Data 09 de agosto
de 1998
La storia del òm o pì giusto
Executora-Edilia
Bolsoni Menegat
Linha
Carlos Gomes- Capela São Roque- Silva Jardim- Serafina Corrêa- RS
Ghen’era due òmeni che i ‘ndea per
la strada e i se ga catà e lora un ga dito: son contento che go un fiol , e lo
darò de batesimo al omo pì giusto che esiste in tuto el mondo. Lora el ga
dito:Ben, ben, fa cossita.
compreme ‘na guirlandaE l’è ‘ndà a casa e ga dito ala
dona de dar el fiol al òmo pì giusto.
-Ma varda, dise la dona- el òmo pì
giusto l’è la morte…
E lu el dise: lora mi me sconde, e
ben. E<el va in cantina, va dentro te na bote ben serada- No vien qua
catarme, la morte.
Ma quando la riva- Compare,
compare…
-El compare l’è ‘nda via.. Dise la
dona.
E la morte la dise- ‘ndemo bever un
bicier de vin, in cantina.
E la bate te una bote, bate in
quel altra. Lora la dona la pensa- intanto me òmo l’è salvo…
Ma infinal, quando la morte va via e la dona la va rento par
ciamar so òmo, l’era mort. E lu el ga dato so fiol ala morte, che zera la pì giusta.
(La mama de ste sorele Bolsoni,
sposade con fradèi Menegat, la zera Triches- de Santa Giustina-BL)
Data- Setembro de 1994
L’ acoa, el fogo e
l’onor
Executor- Luigi André
Soccol
Av. Arthur Oscar
1560-Serafina Corrêa-RS
L’acoa,
el fogo e l’onor i gavea fato un viàio insieme. Rivài al fin, la
àcoa ghe dise ai so compagni de viàio:
– Adess bisogna che se dassemo, ma
se valtri volì ancora catarme, no gavarì altro che sercarme ‘ndove che ghe ze cane.
El fogo lora, el dise anca lu:
-E par catarme no gavarì altro che
vardar ‘ndove che ghe ze fumo.
Riva l’ora del onor parlar qualcosa,
e questo conclude:
-Mì, vardè de tegnerme ben de vista
parché na volta perso, no me trovarì mai pì.
Data- abril 1999
La cicala e la formica
Vinicius Dorighello
Localidade- Associação
Veneta de Cerquilho, Tiete e Região- Cerquilho- SP-
Ghe zera na volta una formica tanto
giudissiosa che mai. Tuto el giorno ela, la so dona e i so fioi i lavorava come
i mussi per meter via par l’inverno. Ogni volta che i passea tacà a l’albero
davanti casa, i sentia la cicala che sbereghea, che se rompea i polmoni de
tanto cantar.
-Eco, senti mò, puteli- disea la
formica ai fioi- la cicala la canta che se fa le vene grosse ‘ntel col, e
gnanca la pensa a l’inverno, quando vien el fredo. Noantri laoremo come mussi,
ma quando rivarà l’inverno manco gavaremo cossa magnar.
E ben, riva l’inverno e casca la
neve freda che mai. Un giorno la fameia la sente bater la porta, e i va verser
e i vede la cicala che ze imbugà de fredo, co la tremarola dai òci ai piè.
-Cossa vuto, bèstia sensa voia? –
ghe dise la formica.
-Eco cossa che vui- ga dito la
cicala. – E la se mete avanti co un colpo e ghe mola tanti dei scufiòti ala formica che questa la casca,
lora la cicala la ghe mete i potente denti sul col, e la fa fora. Dopo, la
ciapa i altri peladoni e li buta, fora per la porta, in meso ala neve. E
sodisfata col so laoro, la se sfregola ben le man, la varda la casa ben fornia
de tuto, la mete un dopio caneasso par sarar ben la porta, e la se senta sula
poltrona, tacà al fogo, e la scomissia ancora a cantar, tuta contenta.
MORALE: el laoro dei altri ze quel che rende de pì.
